“O experimento é a base da miña creatividade, isto é o que me inspira.
Teño unha formación académica no campo das Belas Artes, son profesor de debuxo, sei por tanto, o importantes que son os canons e o cumprimento das regras. Pero como artista tamén sei que para entrar no espazo creativo é necesario buscar algo novo, experimentar máis aló do habitual.
A miña busca de formas, materiais, temáticas e ideas levoume a crear varios proxectos. Un dos máis significativos para min é o proxecto “Guerra baixo as follas”, adicado ás vítimas da Primeira e da Segunda Guerra Mundial. Foi creado en colaboración co meu irmán, o escultor Anton Yakushev. E foi presentado nas galerías de San Petersburgo en 2018. Pero o proxecto máis importante para min foi o proxecto da “Ilustración pesada”, porque froito deste traballo cheguei ao meu principal método audiovisual: a simbiose de ferro e pintura. “Ilustración pesada” – un metal, pinturas e esculturas feitas en cor, ilustran o poema do destacado escritor Veniamin Erofeev “Moscova-Petushki”. As obras expuxéronse na miña cidade natal de Kolomna e na galería de Moscova en 2013.
O novo proxecto “Heavy Interpretation” é tamén un experimento, un intento de interactuar con artistas do pasado e colaborar cunha nova aspirante a artista representada pola miña amiga e irmá, a artista ucraína Anastasia Putilovskaya. Foi moi interesante e importante para min como interactuarían os meus materiais e medios de expresión favoritos (metal, pintura en aerosol, capas) coa enerxía dos lenzos famosos.
O novo proxecto inspirouse na miña vida en España. Cultura, arte, xente e natureza españolas. Catro anos incribles que vivín en Galicia, no seu corazón, nos Ancares. Estou agradecido a esta terra e á súa xente pola incrible calor e sentimento familiar que sentín aquí. O meu amor por esta comarca está nas miñas obras, que poboaron Navia de Suarna, o lugar onde vivo. A escultura “Navia” está instalada no terraplén do pobo e a escultura dunha “Vaca” está instalada na entrada da vila. E moitas outras obras adicadas a esta fermosa terra.
É simbólico que nos nosos tempos difíciles fose en terra galega onde puidese ter lugar un encontro creativo coa miña irmá ucraína.”
Pavel Yakushev
A mostra poderá visitarse do 10 de xuño ao 31 de agosto na primeira planta do panóptico.
