«A miña Patria natural é Galiza. Ámoa ferventemente. Xamáis a traizoaría, aínda que se me concedesen séculos para vivir. Adóroa até máis alá da miña morte. Se entende o tribunal que por este amor entrañábel debe de me ser aplicada a pena de morte, recibireina como un sacrificio máis por ela. Fixen canto puiden por Galiza e máis faría se puidese. Se non podo, até gostaría de morrer pola miña patria. Baixo a súa bandeira desexo ser enterrado”
#TalDíaComaHoxe do ano 1936, o político galeguista Alexandre Bóveda pronunciaría estas verbas como derradeira vontade antes de ser executado polos sublevados en A Caeira (Pontevedra).
Neste Día da Galiza Mártir, honramos a súa figura coa canción “Silencios na memoria” do grupo lugués de música folk e tradicional galega A Quenlla, que xa forma parte da nosa listaxe de reprodución #SonsdaLembranza 
