Estes días estamos a mostrarvos unha serie de 
vídeos moi especiais.O ano pasado invitouse a varios familiares de presas e presos políticos da guerra civil e da posguerra a O Vello Cárcere. Metéronse na cela onde os seus respectivos pais ou avós estiveron recluídos e, sentados nunha cadeira, contaron o que lembraban daquel tempo. Por aquel entón ou ben estaban na súa infancia ou nin tan sequera naceran, así que estas testemuñas constitúen a mirada máis inocente daquela etapa histórica: a mirada das crianzas.
Esta noite compartimos as lembranzas de Rafael Pérez de Vega e mandámoslle, dende esta ventá virtual, unha aperta moi forte.
Os vídeos realizounos o Servizo de Audiovisuais da Deputación de Lugo para O Vello Cárcere e forman parte da exposición permanente do centro ‘O Vello Cárcere: da guerra á posguerra’.