Por mor da conmemoración do Día das Letras Galegas 2026, O Vello Cárcere conta cunha programación deseñada especialmente para homenaxear a autora Begoña Caamaño. 🩵 Dita programación ofrece actividades durante os días 16 e 17 de maio para tódolos públicos, cun carácter lúdico e educativo:
SÁBADO 16 DE MAIO
- CLUB DE LECTURA ABERTO: “Mulleres que reescriben os mitos”
Encontro literario arredor das dúas novelas de Begoña Caamaño “Circe ou o pracer azul” e “Morgana en Esmelle” que se fundamentan na reinterpretación feminista do mito clásico da Odisea e do mito artúrico. A autora dálle voz as mulleres silenciadas para aportar a súa visión sobre a historia na que participaron e na que estiveron en segundo plano.
Horario: 11:30-13:00
Público: Maior de 14 anos
Aforo máximo: 25 persoas
- OBRADOIRO FAMILIAR: “Monstros e heroínas do mar”
Obradoiro familiar no que dar a coñecer as criaturas do mundo máxico mencionadas nas obras de Begoña Caamaño. Confeccionaranse máscaras representativas das dúas protagonistas das súas obras.
Horario: 12:00-13:00
Público: Nenos/as de 4 a 12 anos con acompañantes (máximo dous acompañantes)
Aforo máximo: 75 persoas (25 nenos/as máis dous acompañantes)
- RUTA PARTICIPATIVA: “Palabras presas, palabras libres”
Visita guiada con perspectiva de xénero onde as mulleres presas durante a etapa da Guerra e da Posguerra acadan o protagonismo ao igual que fixo Begoña Caamaño a través do seu traballo, sempre crítico e dialogante, comprometido cos dereitos das mulleres. Caamaño foi unha das xornalistas máis a favor de denunciar as ausencias das mulleres na historia e na literatura, a través desta visita, tentaremos facer xustiza e memoria coas mulleres presas de O Vello Cárcere.
Horario: 17:00-18:30
Público: Tódolos públicos
Aforo máximo: 25 persoas
DOMINGO 17 DE MAIO
- CONTACONTOS: “Circe en O Vello Cárcere”
Narración infantil teatralizada dun conto de Begoña Caamaño.
Horario: 11:30-13:00
Público: Nenos/as de 4 a 8 anos con acompañantes (máximo dous acompañantes)
Aforo máximo: 75 persoas (25 nenos/as máis dous acompañantes)
- CONVERSA LITERARIA: “Ler a Begoña hoxe”
Encontro informal para falar sobre a homenaxeada, a súa obra literaria e xornalística, e tamén para facer recomendación feministas contemporáneas sobre autoras galegas que estean a seguir a mesma estela.
Horario: 12:00-13:00
Público: Adulto
Aforo máximo: 25 persoas
- OBRADOIRO INTERXERACIONAL: “Cartas para Morgana”
Encontro informal de escritura creativa no que os participantes redactarán cartas destinadas as principais personaxes literarias das obras de Caamaño, Circe e Morgana.
Horario: 17:00-18:30
Público: Tódolos públicos
Aforo máximo: 30 persoas
Inscricións:
📩 vellocarcere@lugo.gal
☎️ 982 793 840