Tralo cambio horario da pasada fin de semana, o verán parece quedar xa moi lonxe. Os días cada vez son máis curtos, e a escuridade que pouco a poco vai invadindo a cidade semella unha invitación ao acubillo do fogar. ✨ Damos por inaugurado o tempo de sofá, manta e libro! ☕📖
O #LibroSalvado que propoñemos no mes de outubro para acompañar ese recollemento ven da man do escritor Xabier Quiroga. “O baile dos estorniños” (2021) supón o peche da súa Triloxía da Ribeira Sacra, trala publicación de “O Cabo do Mundo” (2009) e “Izan o da saca” (2015).
Nunha mestura entre realidade e ficción, o autor relata tráxicos acontecementos da guerra e posguerra galega, sendo o Pazo de Tor e a súa contorna os escenarios principais da historia.
E vós, que lecturas escolledes para estas noites outonais? 🍂