A pista 10 do disco “Bolsillo” do cantautor Pedro Guerra, editado no ano 2004, é a canción escollida para o #SonsdaLembranza deste mes.

Trátase de “Huesos”, unha melodía onde o tinerfeño alude aos restos dos desaparecidos durante a Guerra Civil, aqueles que foron enterrados en fosas comúns e que hoxe en día descansan afastados do agarimo familiar. Os sepultados que nunca foron atopados, os abandonados pola sociedade polo feito de estar xa mortos, os da gran débeda sen saldar; en definitiva, os silenciados.

Ao longo da súa traxectoria profesional, Pedro Guerra destacou polo seu compromiso social na loita contra a violencia de xénero e na defensa da memoria democrática.