Lyubomyr Karas é un artista do papel de orixe ucraína afincado en Lugo dende hai dúas décadas.
Coa única excepción dunha peza elaborada en metal, o resto de obras que compoñen este mosaico están feitas con cartulina metalizada, un material que pode semellar humilde, pero que nas mans deste artista cobra forza e peso propio.
Nesta exposición fai un percorrido polo imaxinario mitolóxico da humanidade, dende a mitoloxía clásica ata os mitos contemporáneos do cinema e a literatura, sen esquecer as bestas que poboaron os pesadelos dos nosos ancestros.
🗓️ Do 12 de xaneiro ao 7 de marzo do 2025
📌 Celas de homes: 1ª planta
