Razas bovinas como a Frieiresa, Limiá, Cachena, Vianesa ou Caldelá, xunto ca Ovella Galega, a Cabra Galega e a Galiña de Mós, son as protagonistas da nova exposición temporal. A mostra “Gardiáns”, de Jorge Arévalo, recolle 71 fotografías e 3 vídeos sobre estas razas autóctonas en perigo de extinción.
Lonxe de ser un catálogo de animais, o percorrido que nos ofrece o fotógrafo lucense afonda no vínculo que se xera entre eles e as persoas, relación que define tamén a propia cultura labrega. Verbas de Olga Novo, inspiradas nestas imaxes e nas historias detrás delas, complementan o percorrido xunto cun poema de María Sánchez e un texto de Castelao.
A Área Rural da Vicepresidencia da Deputación de Lugo e a Federación de Razas Autóctonas de Galicia (Boaga) colaboran nesta mostra que se poderá desfrutar ata o 12 de outubro.
🗓️Do 26 de setembro ao 12 de outubro do 2025
📌Celas de mulleres – 1ª planta
