“Cloudscapes.
Materia da que están feitos os soños, son o imaxinario do ceo co seu pasar desfigurado, tumultuoso e disperso, mais para abranguelas hai que erguer a ollada e comeza a viaxe ao lugar onde se depositan as formas do mundo, un lenzo para ver alén dun horizonte sen límites, e así a maxia fai da nada unha eternidade, formando parte indisolúbel da realidade da vida, conectando o aparentemente inconexo cando é bicado pola luz, desexo e emoción mudan o mundo e as posibilidades vólvense ilimitadas, converténdose no ollo da alma, facéndonos infinitamente máis humanos.”
Deste xeito concibe Daniel Agra a exposición temporal que presenta dende hoxe nas celas de mulleres. E é que, ‘Cloudscapes’ plantexa unha experiencia que envolve e mergulla, non só coa poética visual das súas fotografías, senón coa intención e o coidado posto nos pequenos detalles que, sen dúbida, contribuirán a espertar en nós o resto dos sentidos.
📅 Do 20 de outubro ao 15 de decembro de 2023
📍 Celas de mulleres – 1ª planta
