Durante cen anos, a profesión de axente comercial foi evolucionando ao ritmo dos cambios sociais, económicos e comerciais do país, adaptándose a novas formas de traballo e a diferentes contextos históricos.
A exposición conmemorativa do centenario da creación dos Colexios de Axentes Comerciais de España (1926–2026) propón un percorrido pola historia da profesión e da organización colexial, desde as súas orixes ata a actualidade.
A través de paneis, fotografías, documentación histórica, obxectos e material audiovisual, a mostra permite achegarse aos principais fitos deste século de historia. O percorrido complétase cunha exposición fotográfica das presidencias do Colexio de Axentes Comerciais de Lugo (COAC).
📍 Celas de homes – planta baixa
📅 Do 1 de setembro ao 16 de setembro de 2026
