Sabemos de boa tinta que ás participantes do Club de lectura de Memoria Democrática “Gregorio Sanz” lles está emocionando ler “El silencio más noble”, de modo que compartimos convosco esta recomendación lectora do mes de decembro.

 

A través das vidas de Lucía, Elvira e Renata, Susana Lopez Perez (Biscaia, 1963) retrata o medo, a represión, a fame, os bombardeos ou a solidariedade dunha época dura, a da Guerra Civil. A forza e a personalidade das personaxes é un dos aspectos sobresaíntes desta autora, quen foi galardonada con diversos recoñecementos como o Premio Iparragirre de Relato ou no Certame do Foro da Memoria Histórica de Córdoba.

 

Velaquí unha proposta de lectura para o novo ano que asoma…