“45 cerebros y 1 corazón” foi o que atoparon na exhumación dunha das maiores fosas comúns da Guerra Civil, situada en La Pedraja (Burgos), nun océano de ósos e obxectos persoais. Case 80 anos despois de ser arrebatados das súas vidas e dos seus pensamentos.
45 cerebros dentro dos seus cráneos, e 1 corazón, perfectamente conservados, convertidos en xabón.
Esta é o tema e a historia que quixemos rescatar no #SonsdaLembranza deste mes. No álbum homónimo, María Arnal e Marcel Bagés reflexionan sobre este pasado de forma crítica e vincúlanno co noso presente, apelando directamente aos nosos propios cerebros e corazóns.
“Aquí sin mito ni rito
Abandonados al tiempo
Arropados por el lodo
Cerca de alguna urbanización
45 cerebros y 1 corazón”
