De quen é a biografía que aparece nesa páxina? esta era a pregunta que lanzabamos onte nas nosas redes sociais.
A biografía que vemos na imaxe é a de Prudencia Grifell nacida en Lugo o 22 de decembro de 1876. Filla do actor cubano Antonio Grifell e Josefa Masip, actriz española.
Prudencia viviu en Lugo a súa infancia ata os 10 anos, momento no que a familia marchou a Venezuela. Nese país foi tamén onde coñecería ao que máis tarde sería o seu marido, o actor Paco Martínez.
A súa carreira profesional foi a de actriz de teatro de revista, acadando grandes éxitos en México e España. Na última etapa da súa vida deu o salto, en México, ao mundo da televisión e ao do cine. Faleceu o 7 de xuño de 1970 en México aos 93 anos.
